www.Cavab-al.com

Suallarınıza mərcei-təqlidlərin dəftərxanalarından cavab alınır! Cavab E-maila da göndərilir!

Risalələr
Şəri sual göndər
Ümumi sual göndər
Sual: Sualı ünvanladı Elmar: salam aleykum.bir neferun sualina bele cavab vermisiz ki sual-banka pul qoyub faizin istifade etmek olar? cavabiviz:rusiyanin Azerbaycandaki bankina pul qoyub faizinden istifade etmek olar yazmisiz.bele bir fetva ondan ireli gelir ki yeni qeyri muselmandan pulun faizin almaq caizdir?
Cavab: Salam.



Sayt tərəfindən: Konkret qeyd edin ki, məsələn hara? Biz sualı siz yazan kimi dəftərxanaya ünvanlayıb, cavab alaq. Amma bura kimi əldə etdiyimiz odur ki, həm Ayətullah-Sistani və həmdə ki, Ayətullah-Xameneinin dəftərxanları Azərbaycanda yerləşən Rusiya banklarına pul qoyub, aylıq qazanc alıb xərcləməyi caiz bilirlər.
Sual: Sualı ünvanladı Nahid: salamun əleykum mən 20 ildir müctehidləri oxuyuram hələ belə bir fitvaya rast gəlməmişəm Allah alış-verişi halal faizi isə haram qılıb bunu bütün dünya bilir bir şiə olaraq çox ütanc hissi keçirirə m xaiş edirəm fit vanizı əsaslandırın mümkünsə Qur`an ayəsi ilə rus banklarının faizi necə halal olur
Cavab: Salam.



Sayt tərəfindən: Nahid qardaş, sizə dərin hörmətlə, amma əfv edin ki, sizi cavablandırmalıyıq, şəriətdə əhkam "təəbbodi"dir. Yəni nə niyə belədir, söhbəti yoxdur. Allah əmridir, belə buyurub, sizdə bəndəsiz, vəssalam.



Qurandan dəlil istəməyiniz yersizdir. Məgər Quranda namaz kimi dini zərurətin necə olması buyurulub?!



Biz hökmü izah etmirik. Buna nə elmimiz çatır nədəki buna imkan yoxdur. Təsəvvür edin hər mərcei-təqlid oturub risaləsindəki hökmü necə və hardan ələ gətirməsini açıqlayır. Onsuzda bunu açıqlasa belə, kimsə nəsə anlamayacaq. Onu yalnız özü kimi 30 il dərs oxumuş digər mərcələr anlaya bilər. Adi insanlar yox.



Kimsə istəsə ki, hər bir hökmün xırdalıqlarına getsin, onda zəhmət çəkib hicrət etsin, 30 il dərs oxuduqdan sonra ictihad dərəcəsinə çatıb, bu şeylərdən baş açsın. Əlbəttə bu ictihad da elə-belə şey deyil ki, hər 30 il oxuyan ona yiyələnə bilsin.



Biz bu sualı Ayətullah Sistani ağaya da ünvanladıq.



Cavab: Azərbaycanda olan Rusiya Banklarına pul qoyub, həmin pul üçün aylıq verilən məbləğdən istifadə etmək olar, caizdir.



Sual: Sualı ünvanladı Ramin: Əssalamun aleykum. Xahiş edirəm mənə deyəsiniz mən xüms çıxardandan sonra mənim borclarda olan pulum qayıdır onlarada xüms düşür ya yox . Əvvəlcədən təşəkkürümü bildirirəm
Cavab: Salam. Ayətullah Vəhid-dəftərxana: Əgər həmin borcu xums günündən öncə vermişdinizsə, onda xüms günündən sonra əlinizə gələn həmin pulların xümsünü verməlisiniz.
Sual: Sualı ünvanladı Kamil: Bildiyiniz kimi vəhhabilər müsəlmanlara hər bəhanə ilə zülm edir, incidir, inancını təhqir edir. Suriya və İraqda müsəlmanları öldürürlər. Belə bir vəziyyətdə vəzifəmiz nədir?
Cavab: Ayətullah Məkarim-dəftərxana: Onlarla rabitələrinizi kəsin.
Sual: Sualı ünvanladı Sahil: Salam. Mən Azərbaycanda yaşayıram. Ölkəmdə alimlər musiqi barədə müxtəlif fikirlər irəli sürürlər. Bizim toy məclislərimiz olur, hansı ki, orda müştərək (həm halal, həmdə haram məclislərdə istifadə olunan) alətlərdən istifadə olunur və Əhli-Beyt yad edilir.Dini mahnılar oxunur, halbuki alət haram alətdir. Bu caizdirmi? Bunu qeyd etmək lazımdır ki, bu növ məclislər ürfdə halal məclis kimi tanınır.
Cavab: Salam.



Sayt tərəfindən: Biz bu suala bir neçə gün qabaq digər mərcei-təqlid tərəfindən cavab verdik. Xahiş edirik yalnız öz mərcei-təqlidinizin nəzərini öyrənin. Bizim elə geniş imkanlarımız yoxdur ki, bir müqəllidə 6 mərcənin nəzərini öyrənib deyək..
Sual: Sualı ünvanladı Nahid: Əssəlamun əleykum ALLAH SİZDƏN RAZI OLSUN Əvvəla Admin rəhbərinə dərin təşəkkürümü bildirirəm ki, sualıma geniş şəkildə aydınnıq gətirdiniz. Düzünü desəm dəfdərxanadan gələn cavab məni qane etmədi onlar suallara qısa və kankret cavablar verillər mümkünsə ətraflı cavab versinlər.Bilirəm ki, suallar çoxdur hamıya ətraflı yazmaq çətindi amma onuda unutmaq lazım deyilki,suala verilən CAVAB sualdakı qaranlıq məqamlara və şübhələrə aydınlıq gətirməlidir əkis halda cavab mənasını itirər. Mən belə düşünürəm ki, Müctehidlər öz müqəllidlərinə verdikləri fitvalarla daqlı izahat verməyə borcludurlar ki, insan kimə və niyə inanmalı olduqunu özündə yəqinlik hasil etsin. mən alim deyləm ehtiyat əhliyəm hər müctehidin fikri mənim üçün önəmlidi, İnsanin şüphələri aydın olmayanda onu didər nəticədə insan yalniş düşüncələrə meyil edər ümüdvaram ki, bu münasibətlərimiz ALLAHİN YARDIMI İLƏ DAHADA inkişaf edəgək. Sualim südəmər qız uşağının nikaha salinmasi barıdıdi əgər uşaq həddi baliq olduqdan sonra ərindən boşanmasını tələb edib təlaq və mehrini ala bilərmi
Cavab: Salam. Ayətullah Xamenei-dəftərxana: Əgər atasının razılığı ilə olan həmin əqd onun həqiqi məsləhətinə uyğun olmayıbsa onda əqdin pozulmasını istəyə bilər.



Sayt tərəfindən: Qədrdanlığınıza görə minnətdarıq. Dəftərxanaya gün ərzində 10 minlərlə sual gəlir. Onlar bu həddə cavab verməyə güclə, zəhmətlə çatdırırlar. Onları nəzərə almaq zəruridir. Qaranlıq yer olduqda qeyd edin, biz aydınlaşdıraq, inşallah.
Sual: Sualı ünvanladı Seymur: SALAM. Remazan ayiniz mubarek. Sual budu: Gege saat 2de yatib saat 03:30 durub imsak acmaliydim amma is ele getirdiki 03:00da murci veziyyetinde saat baxdim dedim hele tezdi bir balacada dincelim qoyduqum vaxta dek,amma is ele getirdiki,yatib qaldim suhb namazi edaya getmisdi. Durub tez namaz qilib ise getdim,oruc tutmadim. Indi buna gore mene keffare dusurmu? Qeyd edimki, saqlamliq cehetden zeif adamam.
Cavab: Salam. Ayətullah Xamenei-dəftərxana: Siz həm 1 gün qəza orucu tutmalısınız və həm də orucu bilərəkdən pozduğunuz üçün kəffarəni ödəməlisiniz. 1 günün kəffarəsi, 60 fəqirə təam verməkdir. Hərəsinə 1 mud. 1 mud 750 qrama bərabərdir. Təam deyildikdə, buğda, düyü və bu kimi şeylər nəzərdə tutulur.
Sual: Sualı ünvanladı Anar: Salam.$er çaqi çörek yemek günahdir?tewekül
Cavab: Salam. Ayətullah Xamenei-dəftərxana: Xeyir, günah deyil.



(Sayt tərəfindən: Belə söz-söhbətlər xalq arasında yayılmış xurafatdır, fikir verməyin.)
Sual: Sualı ünvanladı ibrahim: Salam Aleykum! Geceden fikirleşmişəmki oruc tutacağam ammaki imsaqa durmamışam.mənim indi oruc tutmağım düzğündür?
Cavab: Salam. Ayətullah Sistani-dəftərxana: Düzgündür.
Sual: Sualı ünvanladı Röya: Orucu qesden pozmagin keffaresi ?Cox sag olun
Cavab: Salam. Ayətullah Xamenei-dəftərxana: 1 gün qəsdən orucu pozmağın müqabilində, 1 gün oruc tutmalısız və bundan əlavə 60 fəqirin hərəsinə 1 mud (750 qram) olmaqla, təam verməlisiz. (Təam, yəni, buğda dügü və sair bu kimi şeylər)
Sual: Sualı ünvanladı Ədalət: Novruz bayramı haqqında rəyiniz nədir? Bu günü bayram kimi qeyd edə bilərikmi?
Cavab: Salam. Üzrlü sayn, Ayətullah Vəhidin dəftərxanası ilə əlaqə saxlaya bilmədik, sualı təkrar ünvanlayın, cavab alaq, inşallah. Bağışlayın.
Sual: Sualı ünvanladı Səma: Bu sualın cavabı mənə aydın olmadı təəssüf ki. Sual:Mənim orucluqla bağlı ciddi problemlərim yaranıb. Gah bilərəkdən oruc tutumuram, gah bilərəkdən pozuram, gah da ki qəza olur. Bütün proqramımlarım qarışıb bir-birinə. Mənim boynumda həm qəza həm kəffarə var.Amma bilmirəm nə qədər qəza və nə qədər kəffarə var. Bu məni narahat edir. Bu cəhətdən rahat olmaq üçün istəyirəm ki, həddi büluğ olandan ta indiyəcən bütün oruclarım üçün kəffarə verim. Bu cür etsəm həm qəza, həm də kəffarələrim boynumdan düşərmi? Birdə ki, bir gün kəffarə üçün nə qədər pul versəm kifayət edər? Cavab: Salam. Ayətullah Sistani-dəftərxana: Siz hesablayın təqribi bir nəticəyə gəlib ən azına əməl edin. Əgər təqribi nəticəyə gəlsəz ki, ya 10 gün qəzam var ya 8 gün, onda səkkiz günə məl edin. Siz bilərəkdən orucunuzu yediyiniz günlərin əvəzində, hər günün müqabilində 1 gün oruc tutmalısız. Bu 1 gündən əlavə bilərəkdən orucu pozduğunuz üçün və ya bilərəkdən oruc tumadığınız üçün hər günün müqabilində (1 gün qəza orucundan əlavə) 60 fəqirə təam varməlisiz. Hər fəqirə "1 mud" təam ki, 3 kq-ya bərabərdir. Məsələn, buğda, dügü və bu kimi şeylərdən. Mən bu cavabda bir şeyi tam anlamadım. Cavabda deyilir: "Siz bilərəkdən orucunuzu yediyiniz günlərin əvəzində, hər günün müqabilində 1 gün oruc tutmalısız" Yəni əgər mən kəffarəni versəm belə yenə də qəza tutmalıyam hər gün üçün? Məsələn keçən il oruculuqda bəiz günləri bilərəkdən tutmamışam, bəzilərin də bilə-bilə ya yemişəm ya pozmuşam. Keçən il üçün kəffarəni verdikdən sonra əlavə olaraq bir ay da oruc tutmalıyam? Əgər kəffarə verirəmsə orucu niyə tutum? Əgər orucu tuta bilsəydim boynuma kəffarə gəlməzdi ki. Oruc tuta bilmədiyimə görə bu kəffarə gəlir boynuma. Xahiş bunu mənə aydınlaşdırın.
Cavab: Salam. Syat tərəfindən: Siz oruc tuta bilə-bilə tutmursunuz. Bu işin həm kəffarəsini verməyiniz vacibdir və həm də 1 gün qəzasını etməyiniz vacibdir. Kəffarə sizin oruc tutmadığınıza görə tənbeh olunmağınız üçündür. 1 günün əvəzində 60 fəqirə, hərəsinə 1 mud (750 qram) təam. (Buğda, dügü və sair)



Əgər oruc tutmadığınıza görə tutarlı səbəbiniz varsa, məsələn ağır xəstəsiz və sair-onda həmin səbəbi bizə yazmaqla sualı yenidən ünvanlayın ki, bizdə cavab alaq. Belə olsa hökm fərq edər.
Sual: Sualı ünvanladı Anar: Salam.keffareni buqda evezine indiki qiymetle hesablayib pulun vere bilerik?2 60 yox birneçe adama yeni 1 ya 5 adama vermek olar?tewekül
Cavab: Salam. Ayətullah Xamenei-dəftərxana: Bu şeyi öz mərcei-təqlidinizin dəftərxanasına həvalə edin. Onlar yerbəyer etsinlər.



(Sayt tərəfindən: Yəni siz 60 fəqiri tapa bilmirsizsə, həmin kəffarənin məbləğini öz mərcei-təqlidinizin dəftərxanasına çatdırın, onlar nəinki 60, bəlkə 60 min fəqir tanıyırlar ki, onlara çatdırsınlar.)
Sual: Sualı ünvanladı Mais: Əssəlamu Aleykum və rəhmətullah. Mən əhli sünnəyəm. Əvvəlcədən xatırladım ki, mən nə sələfi nə də vəhhabi deyiləm....................
Cavab: Salam. Sualınız mövzumuza aid deyil. Lakin sualınızın içində olan bir-iki şey var ki, onlara sizdən qabaq cavab verilib. Onun biri budur:



Ayətullah Xamenei-dəftərxana: Söyüş haramdır.

Ayətullah Sistani-dəftərxana: Söyüş haramdır.

Ayətullah Məkarim-dəftərxana: Söyüş haramdır.

Ayətullah Fazil-dəftərxana: Söyüş haramdır.

Ayətullah Vəhid-dəftərxana: Söyüş haramdır.

Ayətullah Behcət-dəftərxana: Söyüş haramdır.



Digər biri isə budur, Ayətullah Xamenei-dəftərxana: Müsəlmanların arasında ixtilaf yaradan hər bir iş haramdır.



Sayt tərəfindən: Sualınızın bəzi yerlərini sildik. Çünki biz nə o işləri görürük nə də görənləri dəstəkləyirik. Əlavə olaraq belə şeylərin orda-burda yazılıb təfriqə yaratmasını da istəmirik.

Sual: Sualı ünvanladı İdris: Mən əhli sünnəyəm. Mən internetdən gördüm ki, Ayətullah Sistani guya belə deyib? Ayətullah Sistani: “Əhli sünnə sizin canınız özünüzdür.” “Mənə əhli sünnətin qardaşımız olduğunu deməyin. Əhli sünnət bizim canımız və özümüzdür.” O həqiqətən də bu sözü deyib? Əgər deyibsə o həqiqətən bunu ürəkdən deyir ya vəhdətə xatir deyilən sözdür?
Cavab: Salam. Sualınız mövzumuza aid deyil. Amma iki kəlmədə bunu deyə bilərik ki, Sistani ağa vəhdətə xatir özündə olmayan şeyi deməkdən, çox-çox pak bir insandır.
Sual: Sualı ünvanladı Nahid: Əssaləmun əleykum ALLAH SİZDƏN RAZI OLSUN sualım torpağı yemək barədədir fitvalarda deyilir ki, torpağı yemək olmaz amma imam HÜSEYNİN TÜRBƏT torpağın yemək olar əgər hamı türbət torpağını yeyərsə orda torpaq qurtarmazmı kənardan ora tökülən torpaq türbət torpaqı sayılırmı bunun nə mənası var?
Cavab: Salam. Sualınız mövzumuza aid deyil. Lakin bir iki kəlmədə bunu deyək ki, bu torpağı hamı yemək əvəzi doyunca yemir ki, torpaq qurtarsın. Bu torpağı yalnız çarəsiz xəstələr təbərrük kimi bir iki qram işlədib, bu vasitə ilə Allahdan şəfa alırlar. Necəki, Yusif peyğəmbərin köynəyini gözlərinə sürtməklə onun atası Yaqub peyğəmbərin ağlamaqdan kor olmuş gözləri açıldı. Bu hadisə Quranda da var və İslamda övliyalardan olan əlamətlərə təbərrük etmək mövcuddur.
Sual: Sualı ünvanladı Anar: Salam.möhür olmasa elimin üstüne sejde ede bilerem? tewekül
Cavab: Salam. Ayətullah Xamenei-dəftərxana: Bu zərurət halında olar. Möhür olmasa yerdən sayılan bir şeyə səcdə olunmalıdır. Məsələn taxta (çübuq) kimi şeylə.
Sual: Sualı ünvanladı Məryəm: Salamun eleykum.evvelce size cox tewekku edirem.Allah sizleri oz nezerinde saxlasin.menim bir nece sualim var mumkunse cavablandirardiniz.1.bankdan hansi hallarda pul goturmek olar xahis edirem istisna hallari qeyd edesiz.2.banka pul qoymaq olar mesel ucun men evde pul yiga bilmirem xercleyirem banka ona gore qoymaq isteyirem ki pulu xerclemeyim ve eger bu is caizdirse butun banklarda faiz verilir ve onun faizinden istifade etmek caizdirmi?3.men evliyem niwan uzuyu taxa bileremmi bir haldaki namehremler gore biler?4.azerbaycanda butun toyuq broylerinin ustune halal yazilir bu toyuqlar halal hokmundedirmi ?bir haldaki bismillahsiz kesile biler,hemcinin sosiska ve kolbasalarinda ustunde halal yazilir bu et mehsullarindan istifade etmek olar ?ama yene de emin deyillik ki halaldi yoxsa yox ama ustunde halal yazilir.suallarimin coxluguna gore sizlerden cox uzr isteyirem haqqinizi halal edin sizlere cox eziyyet verdim onceden cox tewekkur edirem Allah komeyiniz olsun inwaallah amin rebbel elemin.
Cavab: Salam. Ayətullah Xamenei-dəftərxana:



1-Yalnız zərurət halında bankdan pul götürmək caizdir. (Məsələn, kiminsə borcu ola, pul sahibi gəlib tələb edə, səs kuy sala, abır apara və ya xəstəsi ola və digər bu kimi zərurətlər...)



2-Rusiyanın Azərbaycanda olan bankına pul qoyub faiz almaq olar və faizdən istifadə caizdir.



3-Nişan üzüyü naməhrəmdən örtülməlidir.



4-Onlar halal hökmündədir, istifadə edə bilərsiz.
Sual: Sualı ünvanladı Qadir: ESSELAMU ALEYKUM ! ORUC NAMAZINIZ QEBUL OLSUN . Oten defe suali duzgun aydinladmadiqima gore uzr isteyirem. Sual beledir- destamaz alarken uz ve qollari birdefe vacib ikinci yuma mustehebdir- amma deyirlerki sol qolu ikinci defe yumaq olmaz, cunki vacib ( bas ve ayaq ) mesleri mustehebin suyu ile olmaz ,ona gorede sol qolu ikinci defe ( musteneb ) yuma . . . IKINCI sualim beledir- deyirler ki, eger suyu eline alib qoluna tokursense - kisiler suyu dirsekden toker amma qadinlar qolun ic terefden bukuyden tokerler . Bilmek isterdim bu deyilenler nederecede duzdur, risalelerde tapa bilmedim . Narahatciliqa gore uzr isteyirem. TESEKKURLER !
Cavab: Salam. Ayətullah Sistani-dəftərxana:



1-Solu da ikinci dəfə yumaq olar, heç bir eybi yoxdur.



2-Bu şey müstəhəbdir. Qadınların iç tərəfdən, yəni bükükdən su tökməsi.
Sual: Sualı ünvanladı Anar: Salam.1 dirnaqi qirxdiqdan sonra onu torpaqa bastirmaliyiq?2 iluzuya ile mesqul olmaq haramdir ? Tewekül
Cavab: Salam. Sualınız mövzumuza aid deyil. Amma iki kəlmədə bunu deyə bilərik ki, dırnağın basdırılması kimi dini göstəriş bizə rast gəlməyib. Sulınızın ikincisi hissəsi aydın olmadı. Lütfən daha ətraflı yazın.
Saytlar
Ayətullah Xameneinin rəsmi saytı Ayətullah Sistaninin rəsmi saytı Ayətullah Məkarimin rəsmi saytı Ayətullah Vəhidin rəsmi saytı Ayətullah Fazilin rəsmi saytı Ayətullah Behcətin rəsmi saytı