www.Cavab-al.com

Suallarınıza mərcei-təqlidlərin dəftərxanalarından cavab alınır! Cavab E-maila da göndərilir!

Risalələr
Şəri sual göndər
Ümumi sual göndər
Sual: Bəzi kişilər çənələrindəki tükü saxlayıb, üzün qalan hissələrindəki tükü qırxırlar. Bunun hökmü nədir?
Cavab: Salam. Ayətullah Xamenei-dəftərxana: Saqqalın bir hissəsini qırxmaq, onu bütünlüklə qırxmaq hökmündədir.

Allahdan uğurlar diləyirik!
Sual: İnsan həyatda ikən bir mülk olaraq özünə qəbir ala bilərmi?
Cavab: Salam. Ayətullah Xamenei-dəftərxana: Əgər qəbrin yeri bir başqasının şəri mülkü olarsa, bu yeri almağın işkalı yoxdur. Amma əgər qəbrin yeri möminlərin dəfn edilməsi üçün vəqf edilən torpaq sahələrinin bir hissəsi olsa, insanın bu yeri alması və özü üçün saxlaması düzgün deyildir. Çünki ölüsünü dəfn etmək üçün başqasının həmin yerdən istifadə etməsinin qarşısını alır.

Allahdan uğurlar diləyirik!
Sual: Salam. Qripləyəndə burundan gələn su dəstəmazı və namazı batil edir?
Cavab: Salam. Ayətullah Sistani-dəftərxana: Xeyr.

Allahdan uğurlar diləyirik!
Sual: Salam əleykum. Namazın vacibliyini bilib namaz qılmayan kafir hökmündədirmi?
Cavab: Salam. Ayətullah Sistani-dəftərxana: Xeyr, günahkar olsa da kafir hesab olunmaz.

Allahdan uğurlar diləyirik!
Sual: İstimna etmək haramdırmı?
Cavab: Salam. Ayətullah Xamenei-dəftərxana: Bəli.

Allahdan uğurlar diləyirik!
Sual: Salam, sualım belədir ki, bir qadın dözülməz zülmlərə görə ərindən ayrılıb. Artıq 2 ildir ki bir-biriləri ilə əlaqələri kəsilib. Qeyd edək ki, kişi onu boşamayıb sadəcə ayrılıblar həmişəlik. 2 ildir əlaqələri tamam kəsilib. Bu halda bunların nigahı pozulmuş olur? Yəni bu qadın başqası ilə əqd edə bilər?
Cavab: Salam. Ayətullah Xamenei-dəftərxana: Xeyr, şəri olaraq boşanmış hesab olunmurlar.

Allahdan uğurlar diləyirik!
Sual: Salam. Mən niyyət edirəmki Qızım Olsa adını Xədicə Qoyacam And içmişəm Allaha. Amma indi qonşumuzda o adan var Həmdə ən Çox daha Zeynəb adını qoymaq istəyirəm. Zeynəb adı qoysam andımı pozub günah etmiş olaram?
Cavab: Salam. Ayətullah Sistani-dəftərxana: Allahın adına və ya sifətlərinə edilən andlara əməl olunmalıdır. Andı pozmağın kəffarəsi isə 10 acı doyuzdurmaqdır. Əgər bunu edə bilməsəz 3 gün dalbadal oruc tutmalısınız.

Allahdan uğurlar diləyirik!
Sual: Salam Alekum. Mən axşam yatarkən gecə aylıb Cümə Qüslunu rəca niyəti ilə almaq və Cənəbat qüsulu almaq filrim vardı və gecə ayıldım Qüsulu aldım amma hamama girərkən nə qüsullarını almaqı demək yadımdan çıxdı. Amma qüsul niyyəti ilə getmişəm. Yeni Qüsul almalıyam?
Cavab: Salam. Ayətullah Sistani-dəftərxana: Niyyət yəni, insan nə etdiyini bilsin. Dilə gətirmək zəruri deyil.

Allahdan uğurlar diləyirik!
Sual: Əgər bir naməhrəm qadınla evlənmək fikri oluğunda onunla əl-ələ tutuşmaq olarmı?
Cavab: Salam. Ayətullah Xamenei-dəftərxana: Kəbinsiz icazəli deyil.

Allahdan uğurlar diləyirik!
Sual: Şəri hakim dedikdə məqsəd nədir? Yəni kəbin edən (kəsdirən) molla?
Cavab: Salam. Ayətullah Xamenei-dəftərxana: Müctehid və ya onun nümayəndəsi.

Allahdan uğurlar diləyirik!
Sual: Salam aleykum. Əgər namaz qilarkən önündə şəkil, fiqur və ya uşaqlar üçün yumuşaq heyvan oyuncaqları varsa ve həmçinin televizorun düz önündə və televizor işlək vəziyyətdə olarsa namaz batildirmi?
Cavab: Salam. Ayətullah Xamenei-dəftərxana: Xeyr.

Allahdan uğurlar diləyirik!
Sual: Salam. Namaz qılınan vaxt ağlamaq, namazı batil etmir ki?
Cavab: Salam. Ayətullah Sistani-dəftərxana: Allah qorxusundan ağlamaq batil etmir.

Allahdan uğurlar diləyirik!
Sual: Salam, bir qadın 2 ildir ərindən ayrılıb, kəbinləri var və qadın talaq istəyir, kişi isə vermir. Qeyd edəkki, qadının ayrılmasına səbəb, kişinin onu döyməsi və söyməsi və zülm etməsi olub. Şəri hakim bunları ayırmaq üçün deyir ki gərək kişi ilə danışım. Halbuki kişi namərdin biridir, hakimlə görüşmür və yalandan prinsipə görə qadına zülm etsin deyə onu boşamır. Bu halda şəri hakim kişi ilə görüşmək mümkün deyil deyə onları ayıra (boşaya) bilər? Qeyd edəkki kişi bu qadınla tam əlaqəni kəsib və qadının ehtiyaclarını həll etmir. Bu halda şəri hakimin kişini dinləmədən onları boşandıra bilər?
Cavab: Salam. Ayətullah Xamenei-dəftərxana: Bu məsələni şəri hakimə müraciət edərək həll edə bilərsiniz.

Allahdan uğurlar diləyirik!
Sual: Salam yeni il keçirmek olarmi? Yolka qurmaq icazeldirmj?
Cavab: Salam. Ayətullah Məkarim-dəftərxana: Əgər qeyri müsəkmanların mədəniyyətinin yayılmasına şərait yaradırsa icazəli deyil.

Allahdan uğurlar diləyirik!
Sual: Salam səcdeyi səhv necə qılınır?
Cavab: Salam. Ayətullah Xamenei-dəftərxana: Səcdeyi-səhvin göstərişi belədir ki, namazın salamından sonra dərhal səcdeyi-səhv niyyəti etsin və alnını ehtiyat-lazıma əsasən səcdəsi səhih olan bir şeyin üzərinə qoysun. Ehtiyat-müstəhəb budur ki, səcdədə zikr deyilsin. Daha yaxşı olar bu zikr deyilsin: «Bismillahi və billahi. Əssəlamu ələykə əyyuhənnəbiyyu və rəhmətullahi və bərəkatuh». Sonra oturmalı və təkrarən səcdəyə gedib, dediyi zikri yenidən oxuduqdan sonra oturmalı və təşəhhüdü dedikdən sonra «Əssəlamu ələykum» deməlidir. Buna «Və rəhmətullahi və bərəkatuh»-u da əlavə etməsi daha yaxşıdır.

Allahdan uğurlar diləyirik!
Sual: Salamun aleykum. Əgər ananın həqiqətən övlada baxmağa nə səhhəti, nə də beyni, nə də maddi vəziyyəti imkan vermirsə, ananın uşağı saldırmağının hökmü nədir?
Cavab: Salam. Ayətullah Sistani-dəftərxana: Uşağı saldırmaq icazəli deyil, lakin əgər mütəxəssisin göstərişinə əsasən hamiləliyin anaya ciddi ziyanı varsa bətnindəki körpənin bədəninə ruhun daxil olmamışdan öncə uşağı saldırmaq olar.

Allahdan uğurlar diləyirik!
Sual: Salam. Əgər vacib orucun qəzasını tutmuşamsa sonra orucu qəsdən pozmuşamsa mənə 61 gün oruc düşür ya kəffarə verməyim kifayət edər?
Cavab: Salam. Ayətullah Sistani-dəftərxana: Vacib orucun qəzasını zöhr azanına qədər pozmaq olar. Əgər zöhr azanından sonra pozularsa 10 ac insanı doyuzdurmaq lazımdır. Bunu edə bilməsəniz 3 gün oruc tutmalısınız.

Allahdan uğurlar diləyirik!
Sual: Hansısa bir naməhrəm qadınla evlənmək fikrin olduqda onunla gorüşmək olarmı?
Cavab: Salam. Ayətullah Xamenei-dəftərxana: Şəhvət və reybə olmazsa icazəlidir.

Allahdan uğurlar diləyirik!
Sual: Salam, səhv qiraət edənə, səhvini başa salmaq bizə vacibdirmi?
Cavab: Salam. Ayətullah Xamenei-dəftərxana: Xeyr, vacib deyil.

Allahdan uğurlar diləyirik!
Sual: Salam, Zöhr namazının ikinci rəkətində, həmd və ixlas sürələrinin əvəzinə səhvən "təsbihati-ərbəə"-ni desək, sonra dərhal həmd və ixlası desək, bu zaman səcdeyi-səhv etməyə ehtiyac var?
Cavab: Salam. Ayətullah Xamenei-dəftərxana: Xeyr, ehtiyac yoxdur.

Allahdan uğurlar diləyirik!
Saytlar
Ayətullah Xameneinin rəsmi saytı Ayətullah Sistaninin rəsmi saytı Ayətullah Məkarimin rəsmi saytı Ayətullah Vəhidin rəsmi saytı Ayətullah Fazilin rəsmi saytı Ayətullah Behcətin rəsmi saytı